Ályktun málþings viðbragðsaðila 2018

Um þingið

Í dag stóð Landssamband slökkviliðs- og sjúkraflutningamanna fyrir um 100 manna málþingi með öllum viðbragðsaðilum um sameiginlega fræðslu- og þjálfunaraðstöðu. Guðni Th. Jóhannesson, forseti Íslands, heiðraði samkomuna með þátttöku sinni. Viðbragðsaðilar kynntu sín þjálfunar- og fræðslumál og töluðu allir um nauðsyn þess að koma á laggirnar sameiginlegri aðstöðu á þessu sviði. Niðurstaða málþingsins var sú að stofnaður verði klasi viðbragðsaðila til að þróa verkefnið áfram, leita staðsetningar og fjármögnunar. Nýta skal þá góðu aðstöðu sem er til staðar hjá viðbragðsaðilum til að auka samvinnu og bæta þjálfun. Landssamband slökkviliðs- og sjúkraflutningamanna mun óska eftir tilnefningum frá viðbragðsaðilum til að ákveða næstu skref.

 

 

Viðbragðsaðilar vilja sameiginlega fræðslu- og þjálfunaraðstöðu

Vilja jafnframt aukið samstarf og þjálfun sín á milli

 

„Sameiginleg fræðslu- og þjálfunarmiðstöð er krafa samfélagsins og forsenda þess að tryggja megi öllum sem sinna slysavarna- og viðbragðsaðilum aðgengi að nauðsynlegri þjálfun og menntun“, segir Einar Örn Jónsson, slysavarna og björgunarmaður eftir málþing sem haldið var um þetta efni í Reykjavík í dag.

 

„Stofna þarf klasa viðbragðsaðila um fræðslu- og þjálfunarmiðstöð til að þróa verkefnið áfram, leita staðsetningar og fjármögnunar“ segir Hermann Sigurðsson, framkvæmdastjóri LSS“ Hann segir að á hverjum degi séu menn í slysavarna- og viðbragðsstörfum að vinna við krefjandi aðstæður við að bjarga fólki og öðrum verðmætum. Með sívaxandi fjölda ferðamanna aukist álagið á þennan hóp með hverju árinu. Betra aðgengi að þjálfun og menntun sé því æ háværari krafa þeirra sem vinna við þessi störf .

 

Einar Örn segir að víða um land sé í gangi ýmiss konar endurmenntun og þjálfun en það sé löngu orðið tímabært að samræma þetta starf, auka samvinnu og efla þjálfun með þeim hætti“ Með því tryggjum við jafnari gæði fræðslu og þjálfunar og jafnt aðgengi að þessari mikilvægu þjónustu en í leiðinni nýtum styrkleika hvers viðbragðsaðila um sig.“  Hann segir enn fremur að ef starfið væri sýnilegra væri án efa auðveldara að sannfæra yfirvöld um gildi fjármagns í umrædda aðstöðu en oft séu menn þarna að vinna kraftaverk, segir hann að lokum.

 

Málþingið var vel sótt og einhugur ríkti á þinginu um þá kröfu að samfélagið bregðist við og leggi fjármagn til þessa verkefnis og viðbragðsaðilar efli samstarf og þjálfun sín á milli.

 

Hjálagt má finna ályktunina sem samþykkt var í lok þingsins.

 

Ályktun málþings viðbragðsaðila.2018.pdf

Fundargerð málþings 2018.pdf