Kórónaveiran og hlutverk BSRB og stéttarfélaga

Heildarsamtökin og aðildarfélögin hafa ákveðna upplýsingaskyldu gagnvart félagsmönnum um ábyrgð félagsmanna, réttindi og skyldur í heimsfaraldri inflúensu þegar um er að ræða óvissustig, hættustig eða neyðarstig. Fyrir allnokkru lýstu íslensk yfirvöld yfir óvissustigi.

Upplýsingarnar snúa þá helst að því hvernig draga megi úr hættu á smiti, hver einkennin eru og hvernig eigi að bregðast við komi upp smit. Á vef landlæknis er mikið til af efni um kórónaveiruna (COVID-19) https://www.landlaeknir.is/koronaveira/

 Aðalatriðin:

 

  • Handþvottur er mikilvægari nú en áður. Sömuleiðis er mælt með að fólk hósti í handakrikann á sér og að spritti verði komið fyrir sem víðast. Fram kom á fundinum að andlitsgrímur veita falskt öryggi nema þær séu notaðar réttar og því ættu fyrirtæki og stofnanir ekki að birgja sig upp af grímum.

 

  • Veiran hagar sér í mörgu eins og inflúensa þar sem einkenni og smitleiðir eru svipaðar.

 

  • Einkenni líkjast helst inflúensusýkingu - hósti, hiti, bein- og vöðvaverkir og þreyta. Kórónaveiran getur einnig valdið alvarlegum veikindum á borð við öndunarfærasýkingar og lungnabólgu, sem koma oft fram sem öndunarerfiðleikar.

 

  • Hjá flestum er veiran/inflúensan fljót að ganga yfir en samt sem áður geta viðkomandi smitað lengi eftir og þurfa þeir sem veikjast að vera í sóttkví.

 

  • Á fundinum kom fram að allir þeir sem eru að koma frá Kína ættu að vera í sóttkví í 2 vikur. Með sóttkví í slíkum tilfella er átt við að vera heima og ekki í beinum samskiptum við fólk.

 

  • Í tengslum við nýjustu fréttir frá Tenerife hefur sóttvarnarlæknir og landlæknisembættið ekki ákveðið að vara við ferðum þangað og þeir einir sem dvöldu á tilteknu hóteli eiga að vera í 2ja vikna sóttkví við komuna til Íslands. Viðbragðsáætlanir hér á landi hafa ekki breyst.

 

  • Á fundinum var rætt um réttindi þeirra sem þurfa að vera í sóttkví og var það almenningur skilningur fundarmanna að um veikindaleyfi væri að ræða þegar læknisvottorð lægi til grundvallar.

 

Lesefni efni fyrir okkar fólk:

 

Leiðbeiningar til framlínustarfsmanna í atvinnulífinu

https://www.landlaeknir.is/servlet/file/store93/item38919/Lei%C3%B0beiningar-framl%C3%ADnustarfsmenn%2018022020.pdf

 

Vefsvæði landlæknisembættisins vegna kórónaveirunnar (COVID-19)

https://www.landlaeknir.is/koronaveira/

 

Upplýsingar fyrir heilbrigðisstarfsfólk og viðbragðsaðila

https://www.landlaeknir.is/koronaveira/upplysingar-fyrir-heilbrigdisstarfsfolk/