Áskorun og hugleiðingar Landssambands slökkviliðs- og sjúkraflutningamann vegna stöðunnar í kjaraviðræðum Landssambands lögreglumanna og ríkisins.

Áskorun og hugleiðingar Landssambands slökkviliðs- og sjúkraflutningamann vegna stöðunnar í kjaraviðræðum Landssambands lögreglumanna og ríkisins.

Landssamband slökkviliðs- og sjúkraflutningamanna (LSS) lýsir yfir þungum áhyggjum vegna þeirrar kyrrstöðu sem verið hefur í samningaviðræðum ríkisins og Landssambands lögreglumanna (LL) um langt skeið.

Núgildandi kjarasamningur LL og ríkisins rann út fyrir meira en ári síðan og viðunnandi kjaraleiðréttingar til handa félagsmönnum LL hafa verið í biðstöðu til fjölda ára.

Slíkt er óásættanlegt.

Lögreglumenn gegna samfélagslegu lykilhlutverki sem ekki verður leyst af öðrum aðilum.

Lögreglumenn og störf þeirra gegna lykilhlutverki gagnvart skipulagi og framkvæmd almannavarna í  náttúruhamförum, farsóttum og hverju því sem kann að ógna almennings hverju sinni.

Lögreglumenn og störf þeirra ganga út á að gæta öryggis almennings og viðbragðsaðila við dagleg störf og athafnir hvenær sem er sólarhringsins alla daga ársins, við hverjar þær aðstæður sem upp kunna að koma.

LSS skorar á samningsaðila LL að ganga til samninga án tafar og tryggja lögreglumönnum viðunnandi launaleiðréttingu, starfskjör og aðbúnað. Slíkt er allra hagur.