Félagsmenn Landssambands slökkviliðs og sjúkraflutningamanna sem starfa hjá slökkviliðum sveitarfélaganna samþykktu þann 20. janúar 2025 að boða til verkfalls sem tekur að óbreyttu gildi þann 10. febrúar 2025. 

Framkvæmd verkfallsins verður þannig: 

Á tímabilinu frá kl. 08:00 til 16:00, þann 10. febrúar 2025, mun sjúkraflutningum á lofti, láði og legi sem flokkast undir F4, ekki vera sinnt. 

Á tímabilinu frá kl. 08:00 til 16:00, þann 10. febrúar 2025, mun þeirri þjónustu og starfsemi sem flokkast undir F3 hjá slökkviliðum, ekki verða sinnt. 

Frá og með kl. 08:00 þann 10. febrúar og ótímabundið, munu slökkviliðs- og sjúkraflutningamenn á frívakt ekki sinna neyðarútköllum sem slökkviliðsstjóri/neyðarlínan sendir í boðtæki (öll boðtæki og snjalltæki) 

Frá og með kl. 08:00 þann 10. febrúar og ótímabundið, munu slökkviliðs- og sjúkraflutningamenn ekki sinna vinnu umfram skipulagða vinnuskyldu (yfirvinna). 

Á tímabilinu frá kl. 08:00 til 00:00, þann 17. febrúar 2025, mun sjúkraflutningum á lofti, láði og legi sem flokkast undir F4, ekki vera sinnt. 

Á tímabilinu frá kl. 08:00 til 00:00, þann 17. febrúar 2025, mun þeirri þjónustu og starfsemi sem flokkast undir F3 hjá slökkviliðum, ekki verða sinnt. 

Á tímabilinu frá kl. 08:00 til 00:00, þann 21. febrúar 2025, mun sjúkraflutningum á lofti, láði og legi sem flokkast undir F4, ekki vera sinnt. 

Á tímabilinu frá kl. 08:00 til 00:00, þann 21. febrúar 2025, mun þeirri þjónustu og starfsemi sem flokkast undir F3 hjá slökkviliðum, ekki verða sinnt. 

Á tímabilinu frá kl. 08:00 til 00:00, þann 24. febrúar 2025, mun sjúkraflutningum á lofti, láði og legi sem flokkast undir F4, ekki vera sinnt. 

Á tímabilinu frá kl. 08:00 til 00:00, þann 24. febrúar 2025, mun þeirri þjónustu og starfsemi sem flokkast undir F3 hjá slökkviliðum, ekki verða sinnt. 

Á tímabilinu frá kl. 08:00 til 00:00, þann 26. febrúar 2025, mun sjúkraflutningum á lofti, láði og legi sem flokkast undir F4, ekki vera sinnt. 

Á tímabilinu frá kl. 08:00 til 00:00, þann 26. febrúar 2025, mun þeirri þjónustu og starfsemi sem flokkast undir F3 hjá slökkviliðum, ekki verða sinnt. 

Á tímabilinu frá kl. 08:00 til 00:00, þann 28. febrúar 2025, mun sjúkraflutningum á lofti, láði og legi sem flokkast undir F4, ekki vera sinnt. 

Á tímabilinu frá kl. 08:00 til 00:00, þann 28. febrúar 2025, mun þeirri þjónustu og starfsemi sem flokkast undir F3 hjá slökkviliðum, ekki verða sinnt. 

Á tímabilinu frá kl. 08:00 til 00:00, þann 03. mars 2025, mun sjúkraflutningum á lofti, láði og legi sem flokkast undir F4, ekki vera sinnt. 

Á tímabilinu frá kl. 08:00 til 00:00, þann 03. mars 2025, mun þeirri þjónustu og starfsemi sem flokkast undir F3 hjá slökkviliðum, ekki verða sinnt. 

Á tímabilinu frá kl. 08:00 til 00:00, þann 05. mars 2025, mun sjúkraflutningum á lofti, láði og legi sem flokkast undir F4, ekki vera sinnt. 

Á tímabilinu frá kl. 08:00 til 00:00, þann 05. mars 2025, mun þeirri þjónustu og starfsemi sem flokkast undir F3 hjá slökkviliðum, ekki verða sinnt. 

Á tímabilinu frá kl. 08:00 til 00:00, þann 07. mars 2025, mun sjúkraflutningum á lofti, láði og legi sem flokkast undir F4, ekki vera sinnt. 

Á tímabilinu frá kl. 08:00 til 00:00, þann 07. mars 2025, mun þeirri þjónustu og starfsemi sem flokkast undir F3 hjá slökkviliðum, ekki verða sinnt. 

Frá og með kl. 08:00 þann 10. mars 2025 verður ótímabundið og ótakmarkað verkfall allra félagsmanna LSS sem eru í starfi hjá öllum sveitarfélögum sem Launanefnd sveitarfélaga hefur umboð fyrir. 

Á hádegi í dag lauk kosningu Landssambands slökkviliðs- og sjúkraflutningamanna (LSS) um boðun verkfalls vegna þeirra stöðu sem komin er upp í kjaraviðræðum félagsins við Samband íslenskra sveitarfélaga. Á kjörskrá voru 1.163 félagsmenn og var kjörsókn 44.1% eða 513 atkvæði. 87.9% sögðu já, 451 atkvæði, 6% sögðu nei, 31 atkvæði og 6% tóku ekki afstöðu eða 31 atkvæði. LSS mun því að óbreyttu hefja verkfallsaðgerðir þann 10. febrúar kl. 08:00 ef ekki verðu búið að semja fyrir þann tíma eða fresta aðgerðum félagsins.

Slökkviliðs- og sjúkraflutningamenn samþykkja verkfallsaðgerðir.

Landssamband slökkviliðs- og sjúkraflutningamanna minnir þá félagsmenn sem starfa hjá sveitafélögunum á kosningu um boðun verkfalls vegna stöðunnar í kjaramálum.  Mikilvægt er að félagsmenn taki þátt í kosningunum.   

Félagsmenn þurfa að skrá sig inn með rafrænum skilríkjum til að kjósa Audkenni login.

Kosning hófst föstudaginn 17.janúar kl: 12:00 og lýkur mánudaginn 20.janúar kl. 12:00.

Landssamband slökkviliðs- og sjúkraflutningamanna boðar til félagsfundar fimmtudaginn 16. janúar kl. 16:00 um stöðu kjaramála hjá félaginu. Fundurinn verður haldinn í fundarsal BSRB, Grettisgötu 89, en einnig verður boðið upp á teams aðgang.

Dagskrá:
Staða kjaraviðræðna við sambandið
Staða kjaraviðræðna við ríkið
Önnur mál

Teamslinkur á fundinn:
https://teams.microsoft.com/l/meetup-join/19:meeting_N2I0MzE5ZDktMjlkNS00NDBhLTlmNjAtYjljNzllOTNkYjRh@thread.v2/0?context=%7B%22Tid%22:%22103dd0ac-6309-45dd-92b7-50172b74dd71%22,%22Oid%22:%22b79a2a61-72b9-4799-be3f-f4a05b104ea7%22%7D

Einnig hefur LSS sett upp upplýsingasíðu á facebook, sjá nánár:
Landssamband slökkviliðs og sjúkraflutningamanna | Facebook

 

Landssamband slökkviliðs- og sjúkraflutningamanna ákvað í dag að vísa kjaradeilu sinni við ríkið til ríkissáttasemjara. Samningaviðræður sem staðið hafa yfir frá því samingur var felldur í október síðastliðinn hafa ekki skilað tilskyldum árangri.

Samningaviðræðum við ríkið vísað til ríkissáttasemjara.

Árið hefur liðið hratt og einhvern vegin virðist allt sem okkur vantar gerast á hraða snigilsins þó allt annað gerist allt of hratt. Stjórn og skrifstofa LSS hefur haft nóg að gera á þessu ári en sem fyrr er töluverð vinna í kringum sjóði félagsins en einnig hefur réttindamálum félagsmanna fjölgað og því í mörg horn að líta.

LSS tók þátt 1-1-2 deginum sem var að vanda haldinn 11. febrúar en þar var verðlaunaður hópur krakka sem dregin var út úr eldvarnargetrauninni sem farið hafði fram árið 2023.

Stærsti viðburður ársins 2024 er klárlega þing LSS sem var haldið dagana 12. – 14. apríl en þar var mótuð stefna LSS til næstu tveggja ára ásamt því að kosin var ný stjórn LSS til næstu tveggja ára.

Á afmælisdegi félagsins 12. maí var annað árið í röð haldið opið hús hjá LSS og var að þessu sinni fyrrverandi varaformönnum afhent gullmerki félagsins. Gert er ráð fyrir að halda áfram að halda upp á afmæli félagsins og afhenta þeim félagsmönnum sem starfað hafa fyrir félagið viðurkenningu fyrir þeirra störf.

Kjaraviðræður hafa staðið yfir allt árið en í byrjun júní var undirritaður kjarasamningur milli LSS og SA vegna Isavia og var sá samningur samþykktur. Viðræður við ríkið hafa svo staðið yfir og var kjarasamningur undirritaður í október en sá samningur var felldur af félagsmönnum en engir fundir hafa verið undanfarið en gert er ráð fyrir að hefja aftur viðræður í byrjun janúar. Kjarasamningar við Samband íslenskra sveitarfélaga hafa gengið tregleg en þær hafa staðið yfir með hléum í 14 mánuði og verður ekki framhaldið fyrr en á nýju ári.

Í lok október var haldið leiðbeinendanámskeið um umgengni við raf- og tvinnbíla en Kurt Vollmacher sérfræðingur frá Belgíu var leiðbeinandi á námskeiðinu. Námskeiðið sóttu 15 slökkviliðsmenn frá 7 slökkviliðum en námskeiðið var haldið í samstarfi við HMS. LSS hefur unnið að því að efla samstarf við HMS varðandi fræðslu til félagsmanna og á næsta ári munum við bæta við fagtengdum námskeiðum fyrir slökkviliðsmenn.

Eldvarnarátak LSS fór fram í 32 skiptið í nóvember og desember og sem fyrr heimsóttu slökkviliðsmenn um allt land 3. bekk grunnskólanna en þetta mikilvæga forvarnarverkefni er klárlega stolt félagsins. Það er mikilvægt að við höldum áfram að stuðla að auknu öryggi í brunamálum og fá börnin til liðs við okkur en þau eru ótrúlega öflugir fulltrúar okkar heima fyrir.

Dagur reykskynjarans er 1. desember og í ár var haldið áfram með samstarf við HMS um auglýsingar í tilefni dagsins þar sem við minnum fólk á mikilvægi reykskynjarans. Auglýsing HMS í ár var ótrúlega vel heppnuð og vakti verðskuldaða athygli sem vonandi skilar sér til sem flestra heimila.

Undirbúningur er hafinn vegna Á VAKT FYRIR ÍSLAND 2025 en námsstefnan verður haldin um miðjan október á næsta ári. Sú nýbreytni verður á næstu námsstefnu að stefnt er að því að halda námskeið á fimmtudeginum fyrir námsstefnuna bæði í slökkvifræðum og tengt sjúkraflutningum.

LSS er í þróun og á nýju ári verður tekið í notkun nýtt tölvukerfi sem mun gera allar umsóknir í sjóði félagsins ásamt umsóknum um orlofshús, talsvert aðgengilegra en einnig getur kerfið aukið upplýsingaflæði til félagsmanna. Einnig er stefnt að því að opna upplýsingasíðu á facebook fyrir starf LSS en hingað til hafa fagdeildir félagsins haldið úti sýnum síðum.

LSS óskar félagsmönnum gleðilegs nýs árs og farsældar á komandi ári með þökkum fyrir samstarfið á liðnu ári. Við munum halda áfram að efla félagið okkar árið 2025 ásamt því að efla faglega þætti í okkar starfi.

LSS óskar félögum og landsmönnum öllum gleðlegra jóla og farsældar á komandi ári.  Skrifstofan verður lokuð frá 23.desember til og með 6.janúar 2025.  

Undanfarna mánuði hafa staðið yfir samningaviðræður við samninganefnd Samband íslenskra sveitarfélaga (SNS) um nýjan kjarasamning en samningar okkar hafa verið lausir síðan 1. apríl.

Þann 4. nóvember vísaði LSS viðræðum sínum við SNS til ríkissáttasemjara og hafa nokkrir fundir farið fram undir hans stjórn, sá síðasti í gærdag. Á fundinum í gær varð ljóst að viðræður síðustu mánaða væru engu að skila og taldi LSS því ekki grundvöllur fyrir því að halda samtalinu áfram nema SNS kæmi með eitthvað af borðinu til að nálgast kröfur LSS. Staðan er því sú að ekkert samtal er í gangi en ríkissáttasemjari er þó með viðræðurnar hjá sér og mun boða okkur á fund ef eitthvað nýtt er í stöðunni eða samkvæmt lögum um ríkissáttasemjara sem kveða á um að hann boði til fundar innan 14 sólarhringa frá síðasta fundi.

LSS hefur sett saman hóp sem mun á næstunni annast undirbúning að aðgerðum til að knýja á um að samningsréttur LSS verði virtur og komið til móts við kröfur okkar.

Fljótlega eftir áramót verður kjararáð LSS boða til fundar og í framhaldi af því verður haldinn rafrænn félagsfundur þar sem við munum fara yfir stöðuna og framhaldið.

Staða kjaraviðræðna við sveitafélögin.

Heilbrigðiskerfið á Íslandi stendur frammi fyrir umfangsmiklum áskorunum sem krefjast tafarlausra viðbragða stjórnvalda. Breiðfylking heilbrigðisstétta stóð fyrir málefnafundi með fulltrúm allra flokka sem buðu fram á landsvísu í aðdraganda nýliðinna kosninga. Á fundinum, sem fjallaði um stærstu áskoranir heilbrigðiskerfisins, komu fram skýrar tillögur flokkanna að nauðsynlegum umbótum sem mynda mögulegan grunn að stjórnarsáttmála nýrrar ríkisstjórnar.

Sjá nánar hér: Sam­starf um heil­brigðis­kerfið - nýjar á­herslur í stjórnar­sátt­mála - Vísir

Sam­starf um heil­brigðis­kerfið - nýjar á­herslur í stjórnar­sátt­mála

Búið er að opna fyrir umsóknir fyrir íbúð á Torrevieja á Spáni sem orlofssjóður LSS mun leigja frá 1.apríl - 25.nóvember 2025.

Umsóknarfrestur er til 15. janúar og eftir úthlutun verður opnað á leigu fyrir félagsmenn og þá gildir lögmálið, fyrstur kemur - fyrstur fær.  Umsóknum er skilað inn í gegnum orlofssíðu LSS  https://orlof.is/lsos/ 

Leigutímabilið eru ein vika í senn og verður frá þriðjudegi - þriðjudags, og kostar vikan 85.000-kr.  Hægt er að sækja um tvær vikur samfellt. Nánari upplýsingar um orlofsíbúðina má sjá hér.

Íbúð á Spáni 1.apríl - 25.nóv 2025 - búið er að opna fyrir umsóknir

Þann 3. nóvember vísaði LSS kjaraviðræðum við sambandi til Ríkissáttasemjara en viðræður höfðu þá staðið yfir í 12 mánuði með hléum og lítið þokast. Hluti vandamálsins voru aðrir samningar sem voru að taka mikinn tíma frá samninganefnd sambandsins. Með því að vísa viðræðunum til Ríkissáttasemjara færðist verkstjórnin yfir til hans og báðir aðilar þurfa að mæta til leiks þegar til fundar er boðað. Mánudaginn 18. nóvember var svo haldinn fyrsti fundur og annar fundur var fimmtudaginn 28. nóv. og nýr fundur á dagskrá í vikunni svo við erum vonandi að komast á eitthvað skrið með viðræðurnar.

Formlegar viðræður við sambandið um kjarasamning stjórnenda eru ekki hafnar en þær fara vonandi af stað um leið og einhver gangur kemst á stóra samninginn. 

Einn fundur hefur verið haldinn með ríkinu síðan það kom í ljós að síðustu samningar foru felldir en sá fundur skilaði aðeins því að óskað var eftir tillögum frá LSS um breytingar á samning innan þess kostnaðar ramma sem lagt var upp með. Samninganefnd LSS hefur sent á ríkið launaútreikninga sem við komum til með að vinna með frekar í viðræðunum og samningar hjúkrunarfræðinga og lækna munu vonandi hjálpa til í þeirri vinnu. Líkt og hjá sambandinu þá hafa samningar við aðrar stórar stéttir verið að taka mikinn tíma frá samninganefnd ríkisins.  Í vikunni er skipulagður vinnufundur hjá samninganefnd LSS og í framhaldi af honum verður óskað eftir öðrum fundi með ríkinu. 

Dagur reykskynjarans er 1.desember. Þetta litla tæki vakir yfir okkur á meðan við sofum.  Ert þú með reykskynjara í öllum rýmum þar sem dagleg störf fara fram?  Eru rafhlöður í lagi?  Hefur þú prófað skynjarana þína nýlega?  Það væri stórsniðugt að kaupa nýjar rafhlöður í reykskynjarana í dag og skipta um í þeim.  Þeir eru ekki þungir á fóðrum, þurfa bara þessu einu rafhlöðu, einu sinni á ári.

Á heimasiðu Eldklár má sjá allar upplýsingar um dag reykskynjarans.

Eldvarnarátak Landssambands slökkviliðs- og sjúkraflutningamanna stendur nú yfir, 32 árið í röð. Markmið átaksins er vekja athygli á eldvörnum og öryggi á heimilum. Sem fyrr er höfuðáhersla lögð á mikilvægi reykskynjara. Gunnar Jón Ólafsson, verkefnastjóri eldvarnaeftirlits hjá Brunavörnum Suðurnesja segir að skerpa þurfi á mikilvægi reykskynjara þegar kemur að öryggi heimafyrir. Þeir bjargi mannslífum.

Sjá nánar hér: Reyk­skynjara vantar of víða – Eldvarnarátak stendur nú yfir - Vísir

Reyk­skynjara vantar of víða – Eldvarnarátak stendur nú yfir

Willum Þór Þórsson heilbrigðisráðherra boðar til heilbrigðisþings 2024 þann 28. nóvember næstkomandi á Hótel Reykjavík Nordica. Þetta er sjöunda árið í röð sem heilbrigðisþing er haldið. Þingin eru hverju sinni helguð einhverju tilteknu málefni sem varðar almenning og samfélagið miklu. Þingin eru opinn vettvangur umræðu og skoðanaskipta og þar með mikilvægt innlegg í stefnumótun og skipulag heilbrigðisþjónustunnar.

Þingið að þessu sinni verður helgað heilsugæslunni. Fjallað verður um hugmyndafræðina að baki heilsugæsluhugtakinu, um þróun og stöðu heilsugæslu nútímans og hvernig sjá megi fyrir sér heilsugæslu framtíðarinnar. Íslenskir og erlendir fyrirlesarar munu fjalla um fjölbreyttar áskoranir í heilsugæslu og ræða leiðir til að takast á við þær. Tækninýjungar færa okkur stöðugt ný tækifæri sem nýtast við veitingu og skipulag heilbrigðisþjónustu og um það verður einnig fjallað.

Á vef þingsins: www.heilbrigdisthing.is eru allar upplýsingar um þingið, drög að dagskrá, upplýsingar um fyrirlesarana og þar fer einnig fram skráning þátttöku.

Þingið er öllum opið og aðgangur ókeypis.

Hægt verður að fylgjast með þinginu í beinu streymi.  Þeir sem gera það þurfa ekki að skrá þátttöku sína, en skráning er nauðsynleg fyrir þá sem mæta. Þingið verður haldið á Hilton Reykjavík Nordica. Formleg skráning hefst kl. 9.00 en húsið verður opnað kl. 8.30 og verður þá boðið upp á morgunhressingu.

Með kveðju og von um að sem flestir sjái sér fært að mæta á þingið.

Margrét Erlendsdóttir, upplýsingafulltrúi / Head of Information 
Heilbrigðisráðuneyti / Ministry of Health 
Síðumúli 24, 108 Reykjavík, Iceland 
Sími / Tel: (+354) 545 8700
Farsími / Mobile: (+354) 892 3694 
www.stjornarradid.is - Fyrirvari/Disclaimer

Heilbrigðisþing helgað heilsugæslu, fimmtudaginn 28. nóvember næstkomandi

Eldvarnaátak slökkviliðsmanna um allt land er fram undan:

Slökkviliðsmenn brýna fyrir fólki að efla eldvarnir á heimilunum

Eldvarnaátak Landssambands slökkviliðs- og sjúkraflutningamanna hefst með heimsókn Brunavarnir Suðurnesja í Heiðarskóla miðvikudaginn 20. nóvember kl. 10. Þar munu Jóhann Friðrik Friðriksson, alþingismaður Suðurkjördæmis og Halldóra Fríða Þorvaldsdóttir, starfandi bæjarstjóri Reykjanesbæjar, ræða við börnin í 3. bekk um mikilvægi eldvarna fyrir öryggi heimilanna. Þá fer fram rýmingar- og björgunaræfing þar sem slökkviliðið notar sérstakan búnað til að herma eftir eldi. Loks fá starfsfólk og gestir þjálfun í notkun slökkvibúnaðar.

Slökkviliðsmenn um allt land taka í kjölfarið þátt í átakinu sem beinist að því að efla eldvarnir á heimilum til að vernda líf, heilsu og eignir fólks.

Slökkviliðin heimsækja grunnskóla landsins og beina fræðslu um eldvarnir að nemendum í 3. bekk grunnskóla og fjölskyldum þeirra. Lögð er áhersla á að heimili séu búin eldvarnabúnaði á borð við reykskynjara, slökkvitæki og eldvarnateppi:

·         Best er að hafa reykskynjara í öllum rýmum.

·         Slökkvitæki á að vera við helstu flóttaleið.

·         Eldvarnateppi á að vera á sýnilegum stað í eldhúsi.

·         Tryggja þarf öllum á heimilinu að minnsta kosti tvær flóttaleiðir.

·         Allir þekki neyðarnúmerið, 112, líka börnin.

·         Brýnt er fyrir börnunum að fara varlega með kertaljós og annan opinn eld og gæta þess að hlaða snjalltæki og rafhlaupahjól aðeins í öruggu umhverfi.

Börnin fá að sjá teiknimyndina um Loga og Glóð og baráttu þeirra við Brennu-Varg. Þau fá eintak af handbók Eldvarnabandalagsins um eldvarnir heimilisins, endurskinsborða frá Neyðarlínunni, 112, og fleira. Þeim gefst jafnframt kostur á að taka þátt í Eldvarnagetrauninni. Vegleg verðlaun eru í boði og verða þau afhent á 112-deginum, 11. febrúar 2025.

Samkvæmt könnunum sem Gallup hefur gert fyrir Eldvarnabandalagið eru heimilin í landinu mjög misjafnlega vel varin gagnvart eldsvoðum. Almennt sýna kannanir að heimilin efla eldvarnir jafnt og þétt. Frá þessu eru þó mikil frávik:

·         Fólk á aldrinum 25-34 ára er mun ólíklegra en aðrir til að hafa eldvarnateppi og slökkvitæki á heimilinu.

·         Eldvarnir í fjölbýlishúsum eru lakari en almennt gerist og þá sérstaklega í stærri fjölbýlishúsum.

·         Íbúar í leiguhúsnæði eru mun verr búnir undir eldsvoða en aðrir.

Helstu styrktaraðilar Eldvarnaátaksins eru Húsnæðis- og mannvirkjastofnun, 112, Eignarhaldsfélagið Brunabótafélag Íslands, Slökkvilið höfuðborgarsvæðisins, Ólafur Gíslason og önnur slökkvilið í landinu.

Kvennaár 2025 boðar til kosningafundar um kröfur Kvennaársins með forystufólki stjórnmálaflokka þann 19. nóvember kl. 12:00-13:30 í Iðnó.

Þrátt fyrir þrotlausa baráttu kvenna í meira en heila öld búa konur á Íslandi enn við misrétti og ofbeldi og Ísland á langt í land þar til fullu jafnrétti er náð. Framkvæmdastjórn Kvennaárs 2025 hefur lagt fram kröfur um lagabreytingar og aðgerðir í þremur flokkum um launajafnrétti, ólaunaða vinnu og kynbundið ofbeldi sem finna má á vefsvæðinu kvennaar.is.

Aðstandendur Kvennaárs 2025 eru á fjórða tug samtaka femínista, kvenna, launafólks, fatlaðs fólks og hinsegin fólks.

Facebook viðburður:https://fb.me/e/9vWm6nPOU

Fundastjórar:
Kristín Ástgeirsdóttir, fv. alþingiskona
Ragnheiður Davíðsdóttir, varaformaður Kvenréttindafélags Íslands

Í pallborði verða:
Þórhildur Sunna Ævarsdóttir, Pírötum
Sanna Magdalena Mörtudóttir, Sósíalistum
Svandís Svavarsdóttir, VG
Arnar Þór Jónsson, Lýðræðisflokknum
Þorbjörg Sigríður Gunnlaugsdóttir, Viðreisn
Þórunn Sveinbjarnardóttir, Samfylkingu
Hildur Sverrisdóttir, Sjálfstæðisflokki

Kosningafundur Kvennaárs 2025 - 19. nóvember kl. kl. 12:00-13:30 í Iðnó

ASÍ og BSRB taka á móti formönnum flokka í framboði til alþingiskosninga.

Fundurinn verður á Hótel Hilton Reykjavík Nordica, mánudaginn 18. nóvember, 17:00-19:00.

Yfirskrift fundarins er Samfélag á krossgötum, en þar sitja formenn allra flokka í framboði á landsvísu fyrir svörum um stefnu í málum sem varða launafólk.

Pallborðinu stýra Finnbjörn A. Hermannsson, forseti ASÍ og Sonja Ýr Þorbergsdóttir, formaður BSRB.

Facebook viðburður: https://fb.me/e/2z8C2cJ3B

Samfélag á krossgötum - Formenn flokka ræða við verkalýðshreyfinguna 18. nóvember kl. 17-19 á Hótel Nordica

Langtímakjarasamningar hafa verið undirritaðir fyrir 80-90% launafólks á vinnumarkaði í þessari samningalotu sem hófst í febrúar á þessu ári. Samningum er lokið fyrir allflest launafólk á almennum markaði. Á opinbera markaðnum er samningum lokið við flest félög innan Alþýðusambands Íslands og BSRB og hluta félagsmanna BHM. Ósamið er við ríflega helming launafólks innan BHM, öll aðildarfélög Kennarasambands Íslands sem og lækna og hjúkrunarfræðinga sem standa utan heildarsamtaka. Áætla má að í heildina sé ósamið við um 40% opinbera markaðarins eða um 24 þúsund manns.

Launaþróun það sem af er samningstímabilinu er því nokkuð ólík eftir mörkuðum. Laun hafa hækkað mest á almennum markaði þar sem samningum nær allra er lokið en minna á opinberum markaði þar sem stórir hópar eru enn með lausa samninga. 

Þetta kemur fram í nýrri skýrslu kjaratölfræðinefndar þar sem fjallað er um þróun efnahagsmála og launa,  vinnumarkaðsmál og kjarasamninga.

Á almennum markaði hækkaði grunntímakaup um 5,2% á tímabilinu frá febrúar til júlí á þessu ári en hækkunin nam um 2,9% hjá Reykjavíkurborg og rúmlega 2% hjá ríki og sveitarfélögum utan Reykjavíkur. Í þeim kjarasamningum sem gerðir hafa verið í þessari samningalotu var farin blönduð leið krónutöluhækkana og prósentuhækkana og eru launahækkanir því hlutfallslega mestar á lægri laun.

Að teknu tilliti til verðlagsþróunar jókst kaupmáttur grunntímakaups, sem best endurspeglar umsamdar launahækkanir, um 1,5% frá febrúar  til júlí á þessu ári. Mest var aukningin á almennum vinnumarkaði þar sem samningum allflestra var lokið en kaupmáttur rýrnaði hins vegar eða stóð í stað á opinberum vinnumarkaði þar sem enn er ósamið við stóra hópa. 

Áhersla á krónutöluhækkanir í kjarasamningum á undanförnum árum, sem hafa skilað hlutfallslega mestri hækkun lægstu launa, hefur leitt til þess að munur á hæstu og lægstu launum á vinnumarkaðnum hefur dregist saman og tíundastuðlar lækkað markvert.

Í skýrslu kjaratölfræðinefndar er einnig að finna umfjöllun um efnahags- og vinnumarkaðsmál. Þar er meðal annars fjallað um þróun verðlags, vaxta, opinberra fjármála, framleiðni, atvinnuleysis og stöðu innflytjenda á íslenskum vinnumarkaði. 

Kaupmáttur launa jókst um 0,5% á fyrri helmingi þessa árs samanborið við sama tímabil í fyrra en vegna hárra vaxta og verðbólgu dróst kaupmáttur ráðstöfunartekna lítillega saman. Eiginfjárstaða heimila hefur batnað á síðustu árum og skuldastaða er almennt góð í sögulegu tilliti en vaxtagjöld sem hlutfall af ráðstöfunartekjum hafa farið vaxandi einkum hjá yngra fólki. Dregið hefur úr spennu á vinnumarkaði og starfandi fólki fjölgar nú hægar en undanfarin misseri en atvinnuleysi er áfram lágt og atvinnuþátttaka mikil.

Innflytjendum á íslenskum vinnumarkaði hefur fjölgað hratt síðustu ár og þátttaka þeirra á vinnumarkaði er ein sú mesta meðal OECD ríkja. Lítill munur er á hlutfalli starfandi innflytjenda og þeirra sem eru með íslenskan bakgrunn. Í samanburði við önnur lönd eru innflytjendur á Íslandi vel menntaðir og algengara að þeir sinni starfi sem er ekki í samræmi við menntunarstig þeirra en fólk með íslenskan bakgrunn. Kunnátta innflytjenda á tungumáli búseturíkis er þó lítil hér á landi í samanburði við önnur OECD ríki.

Haustskýrslu KTN og fylgigögn má finna á vef kjaratölfræðinefndar ktn.is

Haustskýrsla kjaratölfræðinefndar 2024

Hérna kemur yfirlit um námskeið fyrir trúnaðarmenn og aðra áhugasama í fjarnámi, sem eru opin öllum aðildarfélögum.

Fjarnámskeið fyrir trúnaðarmenn
- Allt sem þú þarft að vita um réttindi og skyldur!

Við bjóðum upp á fjölbreytt fjarnámskeið í nóvember og desember fyrir trúnaðarmenn allra félaga - og aðra sem gætu nýtt sér efni þeirra. Námskeiðin veita gagnlega innsýn og þekkingu sem nýtist í starfi og daglegu lífi trúnaðarmanna og starfsmanna stéttarfélaga. 

Skráðu þig og styrktu þína þekkingu og færni!

Námskeiðin eru í fjarkennslu og þátttakendur fá sendan Zoom-hlekk daginn áður en námskeið hefst. 

Leyfi og styrkir
Trúnaðarmenn þurfa vilyrði frá sínu stéttarfélagi til að sækja námskeiðið eigi það að greiða. Aðrir þátttakendur geta sótt um styrk hjá sínu stéttarfélagi.

Skráningarfrestur er til hádegis daginn fyrir hvert námskeið. Tryggðu þér sæti og efldu þekkingu þína til að styðja betur við réttindi og starfsumhverfi félagsmanna!

📅 13. nóvember – Túlkun talna og hagfræði
Námskeið sem kynnir grundvallaratriði hagfræðinnar, m.a. samband launa og verðbólgu, áhrif á kaupmátt og hlutverk hagfræðinnar í kjarasamningum. 
Skráning hér 
  

📅 19. nóvember – Vinnueftirlit og vinnuvernd
Farið er yfir lög um aðbúnað og öryggi á vinnustöðum, skyldur atvinnurekenda og hlutverk öryggistrúnaðarmanna. 
Skráning hér
 

 📅 26. nóvember – Vinnuréttur
Yfirlit yfir réttindi launafólks, byggingu vinnuréttarins og stuðning hans við kjarasamninga á íslenskum vinnumarkaði. 
Skráning hér 
  

📅 27. nóvember – Hvíldartímaákvæði vinnuréttar
Lögfræðingur frá ASÍ fer yfir EES-vinnutímatilskipunina og hvíldartímaákvæði kjarasamninga og laga, með áherslu á hvíld og frítökurétt. 
Skráning hér
 

📅 3. desember – Þjóðfélagið og vinnumarkaðurinn
Námskeið sem fjallar um uppbyggingu vinnumarkaðarins, starfsemi stéttarfélaga og heildarsamtaka og mismunandi sjónarhorn lýðræðis. 
Skráning hér

📅 10. desember – Almannatryggingar og lífeyrissjóðir
Innsýn í íslenska almannatryggingakerfið og lífeyrissjóðakerfið, skylduaðild, tryggingavernd og samspil við almannatryggingar. 
Skráning hér


Félagsmálaskóli alþýðu
Guðrúnartúni 1
105 Reykjavík
Sími: 53 55 600
Netfang: felagsmalaskoli@felagsmalaskoli.is


Smella hér til að skrá netfangið þitt af póstlistanum    Smella hér til að uppfæra póstlistaskráningu 

Trúnaðarmannafræðsla í fjarnámi - næstu námskeið

Kjararáð og stjórn LSS ákvað í gær að vísa kjaraviðræðum sínum við Samband íslenskra sveitarfélaga til ríkissáttasemjara en lítill gangur hefur verið í viðræðunum undanfarið. Samningur LSS við sambandið hefur verið laus síðan 1. apríl en fundir hafa staðið yfir með hléum síðan í lok árs 2023. Við væntum þess að sáttasemjari boði til fundar á næstunni og vonandi kemst einhver skriður á viðræðurnar.

Kjaraviðræðum við Samband íslenskara sveitarfélaga vísað til ríkissáttasemjara

Fréttir & tilkynningar