20. þing LSS fer fram dagana 12.-14.apríl. Hægt er að nálgast öll gögn fyrir þingið á heimasíðunni undir valmyndinni (efst hægra megin á forsíðu) og er valið Þing LSS.

Öllum félagsmönnum LSS er velkomið að sitja þingið.

Skráning er hafin á námskeiðið Streita, seigla, samskipti og meðvirkni sem verður haldið á Hótel Grímsborgum dagana 24.- 27. september 2024. 

Námskeiðin eru vinsæl og þetta er mkilvægt efni sem á erindi dag, í umhverfi sem tekur sífellt hraðari breytingum. 

Áhersla er lögð á seiglu og streitu, svefn og líkamsklukkuna, álag og ósjálfráða taugakerfið, tengsl, meðvirkni - einkenni og áhrif á sambönd og samskipti. Athyglinni er beint að nýrri þekkingu, leiðum og úrræðum, áhrifum streitu og meðvirkni á líðan og heilsu og saamskipti í lífi og starfi. Námskeiðið er í formi fyrirlestra, æfinga, hópavinnu, hugleiðslu, djúpslökunar, hvíldar og viðveru í náttúrunni.

Hægt er að sækja um styrk í starfsmenntasjóð.

Innifalið: Námskeið, matur og gisting í 3 nætur í  2ja manna herbergi í nærandi og fallegu umhverfi. 

Nánari upplýsingar og skráning: heillheimur@heillheimur.is

Rafræn skráning: https://forms.gle/kUyTEQ5mp1HSyVzz6

Viðburðurinn á Facebook: https://www.facebook.com/events/839718898272504/?acontext=%7B%22event_action_history%22%3A[]%7D

Dagskráin hefst kl. 11.00 þriðjudaginn 24. september og lýkur kl. 14.00 föstudaginn 27. september. Námskeiðið er í formi fyrirlestra, æﬁnga og hópavinnu. Boðið er upp á gómsætan mat, gönguferðir út í náttúruna, núvitundaræﬁngar, djúpslökun og góða hvíld.

Kristín Sigurðardóttir, slysa- og bráðalæknir hefur sinnt kennslu, heilsueflingu og forvörnum frá því í Læknadeild HÍ. Kristín kennir við Læknadeild HÍ og er í Fræðslustofnun LÍ. Hún sinnir fyrirlestrahaldi og fræðslu fyrir fyrirtæki og stofnanir.

Gyða Dröfn Tryggvadóttir, lýðheilsufræðingur EMPH og meðferðaraðili í áfalla-og uppeldisfræðum Piu Mellody. Gyða rekur eigin stofu og sinnir auk þess fyrirlestrahaldi og fræðslu. Hún stendur einnig fyrir heilsustengdum málþingum og námskeiðum. Hún hefur iðkað og kennt Zen hugleiðslu í 23 ár.

Hafsteinn Viktorsson, rannsóknarlögregla og jógakennari mun leiða djúpslökun. Hafsteinn þekkir vel í gegnum sitt starf sem viðbragðsaðili áhrif álags á líf, líðan og samskipti og leiðir til að mæta því. Yoga Nidra er ævaforn djúphugleiðsla sem hefur margvísleg heilsubætandi áhrif.

Námskeiðið er ætlað öllum viðbragðsaðilum sem sótt hafa grunnnámskeið í félagastuðningi.

Golfmót LSS verður haldið föstudaginn 23.ágúst nk. á Selvöllum við Flúðir. Mótið er haldið í samvinnu Brunavarna Árnsessýslu og Golfklúbbsins Flúðir. Golfmótið hefst kl. 8:00 og er mótsgjaldið 5.000-kr.   

Skráning og nánari upplýsingar má sjá hér: Landsmót LSS 2024 (google.com)

Nánari upplýsingar gefur Daniel í síma: 853-3243

Skrifstofa LSS er lokuð frá og með 12.júlí - 8.ágúst vegna sumarleyfa starfsmanna. 

Slökkvilið Akraness og Hvalfjarðarsveitar minnast hér vinar síns og liðmanns í slökkviliðinu, Péturs Sigurðssonar sem var jarðsunginn 2. júlí. Á meðan útförinni stóð, mannaði slökkvilið Borgarbyggðar vaktina.

Pétur Sigurðsson – 10.apríl 1969 – 23.júní 2024 | Akraneskaupstaður

PÉTUR SIGURÐSSON – 10.APRÍL 1969 – 23.JÚNÍ 2024

Fréttablaðið Á vakt fyrir Ísland 2024 er komið út.  Líkt og síðustu ár er blaðið gefið út rafrænt.  Lesa má blaðið hér.

Á vakt fyrir Ísland - fréttablað 2024

MG félagi Íslands langar að bjóða félagsmönnum LSS að sitja þverfaglega norræna ráðstefnu sem ber yfirskriftina Myasthenia Gravis - Lífsgæði og meðferð.

Ráðstefnan verður haldin á Grand Hótel frá kl 8-16, föstudaginn 27. september 2024. Enginn aðgangseyrir er að ráðstefnunni en skráning tryggir pláss. Skráning fer fram á heimasíðu félagsins, mgisland.is , og þarf að vera lokið fyrir 1. september 2024.

Myasthenia Gravis (MG) er sjaldgæfur sjálfsofnæmissjúkdómur í taugavöðvamótum sem veldur sveiflukenndu vöðvakraftleysi og þreytu sem hefur víðtæk áhrif á lífsgæði fólks. Ýmis meðferðarúrræði eru þekkt en þegar um er að ræða svo fátíðan sjúkdóm er almenn þekking og reynsla fagfólks óhjákvæmilega takmörkuð.

MG félagið vill með þessari ráðstefnu breiða út og auka þekkingu á sjúkdómnum. Sjö af fremstu sérfræðingum Norðurlandanna í MG munu halda erindi um sitt sérsvið. Flest þeirra eru höfundar leiðbeininga um meðferð við MG sem kom út í febrúar síðastliðnum*. Dagskráin er þannig saman sett að hún mun nýtast bæði þeim sem þekkja MG og jafnframt þeim sem vita minna.

Dagskrá ráðstefnunnar má sjá hér.   Við hvetjum ykkur til að kynna ykkur hana og nýta þetta einstaka tækifæri til að hlusta á helstu sérfræðinga Norðurlandanna í MG.

Fyrir hönd stjórnar MG félags Íslands

Myasthenia Gravis ráðstefna- 27.september 2024

Í hádeginu í dag lauk kosningu um kjarasamning sem undirritaður var þann 6.júlí milli SA fyrir hönd Isavia og LSS

Niðurstöður voru þær að samningurinn var samþykktur með 93,33%% atkvæða en kjörsókn var 78,9%.

Kosning um kjarasamning SA/Isavia og LSS - niðurstaða

Stöndum með þolendum – aukin þjónusta við þolendur áreitni of ofbeldi í vinnu

Heildarsamtök launafólks og VIRK starfsendurhæfingarsjóður hafa tekið höndum saman til þess að bjóða þolendum kynferðislegrar áreitni og ofbeldi í vinnu betri þjónustu. Starfsfólk stéttarfélaga og VIRK fær aukna fræðslu og þjálfun til að taka veita þolendum faglegri þjónustu og  VIRK hefur opnað nýja þjónustu, svokallað vegvísissamtal. 

Þolendum býðst aðstoð og ráðgjöf hjá sínu stéttarfélagi um réttindi sín, úrræði og ábyrgð atvinnurekenda ef tilvik áreitni og ofbeldi verða á vinnustað. Fulltrúi stéttafélags getur til dæmis aðstoðað við að tilkynna atvik til stjórnanda, gert það fyrir hans hönd, setið fundi með þolanda og fylgt málinu eftir. Þjónustan er þolendamiðuð, þar sem þolandinn ræður för í einu og öllu og ekkert gert nema með samþykki viðkomandi. Þolendur geta síðan fengið sálrænan stuðning hjá VIRK, í formi vegvísissamtals. Ráðgjafar VIRK eru sérhæfðir í að ræða við fólk í erfiðum aðstæðum, fullur trúnaður ríkir í samtalinu og engar persónugreinanlegar upplýsingar eru skráðar. Ekki er um hefðbundna starfsendurhæfingarþjónustu að ræða og því ekki gerð krafa um að fólk sé frá vinnumarkaði vegna veikinda eða slysa heldur er þjónustan opin öllum á vinnumarkaði sem hafa orðið fyrir áreitni eða ofbeldi í vinnu.

Aðildarfélög BSRB bjóða alla þolendur velkomna, sama hvort málin eru gömul eða ný. Vel verður tekið á móti öllum. 

Nánar um þjónustu VIRK - https://www.virk.is/is/einstaklingar/stondum-med-tholendum-a-vinnumarkadi

Samkvæmt lögum er það upplifun þolanda sem stýrir því hvort um áreitni er að ræða. Áreitni og ofbeldi getur átt sér stað á vinnustað á vinnutíma, á skemmtunum og viðburðum tengdum vinnu eða utan vinnu og í gegnum samfélagsmiðla og aðra stafræna miðla. Birtingarmyndir áreitni til dæmis kynferðislegar athugasemdir,sendingar á samfélagsmiðlum eða í tölvupósti,  snertingar og káf. 

Afleiðingar áreitni og ofbeldi geta verið margvíslegar og alvarlegar. Fyrstu viðbrögð þolanda eru oft afneitun, skömm og sjálfsásökun. Ef þolanda tekst ekki að vinna úr áfallinu geta komið fram ýmsar líkamlegar og andlegar afleiðingar. 

Hver verða fyrir kynferðislegri áreitni?

Um þriðjungur kvenna verður fyrir kynferðislegri áreitni á vinnuferlinum. Konur eru líklegastar til að verða fyrir kynferðislegri og kynbundinni áreitni og ofbeldi og hópar svo sem erlendar konur, konur með fötlun og hinsegin fólk er í meiri áhættu, þó fólk af öllum kynjum geti að sjálfsögðu orðið fyrir áreitni. Valdatengsl spila stórt hlutverk, og gerandinn er oftar en ekki með meiri völd á vinnustað en þolandi. Þar getur skipt máli aldursmunur, staða innan vinnustaðar og þjóðerni. 

Atvinnurekanda er skylt að tryggja öruggt og heilsusamlegt vinnuumhverfi. Hann skal bregðast fljótt við þegar tilkynning eða frásögn af áreitni eða ofbeldi berst eða þegar grunur um slíka háttsemi vaknar. Á vinnustöðum eiga að vera til staðar aðgengilegar viðbragðsáætlanir og verkferlar. Grípa skal til aðgerða tafarlaust til þess að tryggja öryggi þolanda. Skyldur atvinnurekanda eru ítarlega útlistaðar í reglugerð. 

Nánar má lesa um kynferðislega og kynbundna áreitni á vef BSRB. https://www.bsrb.is/is/skodun/malefnin/kynbundin-og-kynferdisleg-areitni

LSS hvetur félagsmenn sem starfa hjá ISAVIA til að kynna sér kjarasamninginn taka þátt í atkvæðagreiðslu. 

Þegar aðilar kjósa munu þeir fá rafrænan kjörseðil en einnig hafa aðgang að undirrituðum samning og kynningarefni.

Kosning hafin vegna kjarasamnings LSS og SA v.ISAVIA 2024

Hér má lesa kynningu MASKÍNU fyrir LSS varðandi úttekt á starfsemi slökkviliða.

 Þann 17. janúar 2024 sendi Maskína fyrir hönd Húsnæðis og mannvirkjastofnunar könnun á slökkviliðsmenn og stjórnendur slökkviliða. Markmið könnunarinnar var að veita stofnuninni innsýn í starfsemi slökkviliða og nýttar til að greina nauðsynlegar úrbætur og byggir könnunin á 6. gr. laga um brunavarnir. Föstudaginn 17. maí mun HMS standa fyrir kynningu á niðurstöðum könnunarinnar fyrir félagsmenn LSS og mun kynningin fara fram á teams kl. 12:00. 

https://teams.microsoft.com/l/meetup-join/19:meeting_NjcwNTc4MjctYTJmYS00YTkxLTlhOWEtZTVkYmVlOTFkZTE1@thread.v2/0?context=%7B%22Tid%22:%22103dd0ac-6309-45dd-92b7-50172b74dd71%22,%22Oid%22:%22b79a2a61-72b9-4799-be3f-f4a05b104ea7%22%7D

MASKÍNA - könnun á vegum HMS v.starfsemi slökkviliða

Spurningarleikur HMS er farinn í loftið og heitir  „Brunapotturinn“ 

Hann verður í gangi tímbilið 26.apríl - 24.maí 2024 og úrdráttarverðlaun tilkynnt 31.maí 2024.  Markhópurinn er 18-30 ára einstaklingar.

Slóðinn inn á hann:  https://vertueldklar.is/brunapotturinn/ 

Brunapottur - spurningaleikur á vegum HMS

Golfmót LSS verður haldið 23.ágúst 2024 á Selvöllum við Flúðir. Mótið er haldið í samvinnu Brunavarna Árnsessýslu og Golfklúbbsins Flúðir.  Sendar verða nánari upplýsingar þegar nær dregur.  

Golfmót LSS verður haldið 23. ágúst 2024

LSS vill vekja athygli á frétt sem HMS var að birta í tengslum við leiguíbúðir.

https://hms.is/frettir/einn-af-hverjum-sex-nyjum-leigusamningum-hefur-ekki-skradan-reykskynjara

Einn af hverjum sex nýjum leigusamningum hefur ekki skráðan reykskynjara

Fyrsti maí er handan við hornið og hvetur BSRB almenning til þess að fjölmenna í kröfugöngur og á útifundi um allt land í tilefni af alþjóðlegum baráttudegi verkalýðsins.

Yfirskrift dagsins að þessu sinni er Sterk hreyfing - sterkt samfélag.

Styrkur verkalýðshreyfingarinnar á Íslandi hefur í gegnum tíðina gert okkur kleift að byggja upp norrænt velferðarsamfélag og tryggt launafólki réttindi sem okkur þykir sjálfsögð í dag svo sem sumarorlof, greiðslur í fæðingarorlofi og veikindarétt. Þann 1. maí stöndum við vörð um og heiðrum framlag launafólks, fyrr og nú, í öllum geirum og lögum samfélagsins. Dagurinn er mikilvæg áminning um áframhaldandi þörf fyrir samstöðu og sameiginlegan slagkraft vinnandi fólks til að skapa réttlátari og sanngjarnari framtíð fyrir öll.

Í Reykjavík fer kröfugangan af stað frá Skólavörðuholti kl 13:30 og hefst útifundur á Ingólfstorgi kl 14:00. Verkalýðsforkólfar blása þar launafólki baráttuanda í brjóst auk þess sem Úlfur Úlfur og Bríet stíga á stokk. Meira um dagskrá útifundarins hér.

Að útifundi loknum býður BSRB gestum og gangandi í verkalýðskaffi að vanda á Grettisgötu 89 þar sem Kvennakór Reykjavíkur töfrar fram dýrindis veitingar. 

Á 20.þingi LSS sem fór fram dagana 12.-14.apríl var samþykkt að lækka félagsgjöld LSS.  Félagsgjald LSS verður nú 1,2% í stað 1,3% og tekur gildi 1. maí 2024.

Lækkun iðgjalda samþykkt á 20.þingi LSS

Reglugerð um veitingu heiðursmerkja Landssambands slökkviliðs- og sjúkraflutningamanna var samþykkt á 20. aðalþingi LSS, 12. – 14. apríl 2024

Reglugerð um veitingu heiðursmerkja LSS

Ný stjórn LSS var kosin síðustu helgi á 20.þingi LSS.

Jón Kristinn Valssson formaður fagdeild slökkviliðsmanna SHS

Egill Aron Gústafsson formaður fagdeild sjúkrafl.manna HSU

Maron Berg Pétursson formaður stjórnenda SA

Jón Kristinn Valsson, formaður fagdeildar SHS

Egill Aron Gústafsson formaður fagdeildar HSU

LSS þakkar fráfarandi stjórnarmönnum og félagsmönnum í fagdeildum kærlega fyrir vel unnin störf og bjóðum þá nýju velkomna til starfa fyrir félagið.

Ný stjórn kosin á 20.þingi LSS sem fram fór 12.-14. apríl 2024

20. þing LSS

Lestu líka