Eldvarnavika í grunnskólum 20.-29. nóvember 2024 | Húsnæðis- og mannvirkjastofnun

Eldvarnavika í grunnskólum 20.-29. nóvember 2024

Eldvarnaátak slökkviliðsmanna um allt land er fram undan:

Slökkviliðsmenn brýna fyrir fólki að efla eldvarnir á heimilunum

Eldvarnaátak Landssambands slökkviliðs- og sjúkraflutningamanna hefst með heimsókn Brunavarnir Suðurnesja í Heiðarskóla miðvikudaginn 20. nóvember kl. 10. Þar munu Jóhann Friðrik Friðriksson, alþingismaður Suðurkjördæmis og Halldóra Fríða Þorvaldsdóttir, starfandi bæjarstjóri Reykjanesbæjar, ræða við börnin í 3. bekk um mikilvægi eldvarna fyrir öryggi heimilanna. Þá fer fram rýmingar- og björgunaræfing þar sem slökkviliðið notar sérstakan búnað til að herma eftir eldi. Loks fá starfsfólk og gestir þjálfun í notkun slökkvibúnaðar.

Slökkviliðsmenn um allt land taka í kjölfarið þátt í átakinu sem beinist að því að efla eldvarnir á heimilum til að vernda líf, heilsu og eignir fólks.

Slökkviliðin heimsækja grunnskóla landsins og beina fræðslu um eldvarnir að nemendum í 3. bekk grunnskóla og fjölskyldum þeirra. Lögð er áhersla á að heimili séu búin eldvarnabúnaði á borð við reykskynjara, slökkvitæki og eldvarnateppi:

·         Best er að hafa reykskynjara í öllum rýmum.

·         Slökkvitæki á að vera við helstu flóttaleið.

·         Eldvarnateppi á að vera á sýnilegum stað í eldhúsi.

·         Tryggja þarf öllum á heimilinu að minnsta kosti tvær flóttaleiðir.

·         Allir þekki neyðarnúmerið, 112, líka börnin.

·         Brýnt er fyrir börnunum að fara varlega með kertaljós og annan opinn eld og gæta þess að hlaða snjalltæki og rafhlaupahjól aðeins í öruggu umhverfi.

Börnin fá að sjá teiknimyndina um Loga og Glóð og baráttu þeirra við Brennu-Varg. Þau fá eintak af handbók Eldvarnabandalagsins um eldvarnir heimilisins, endurskinsborða frá Neyðarlínunni, 112, og fleira. Þeim gefst jafnframt kostur á að taka þátt í Eldvarnagetrauninni. Vegleg verðlaun eru í boði og verða þau afhent á 112-deginum, 11. febrúar 2025.

Samkvæmt könnunum sem Gallup hefur gert fyrir Eldvarnabandalagið eru heimilin í landinu mjög misjafnlega vel varin gagnvart eldsvoðum. Almennt sýna kannanir að heimilin efla eldvarnir jafnt og þétt. Frá þessu eru þó mikil frávik:

·         Fólk á aldrinum 25-34 ára er mun ólíklegra en aðrir til að hafa eldvarnateppi og slökkvitæki á heimilinu.

·         Eldvarnir í fjölbýlishúsum eru lakari en almennt gerist og þá sérstaklega í stærri fjölbýlishúsum.

·         Íbúar í leiguhúsnæði eru mun verr búnir undir eldsvoða en aðrir.

Helstu styrktaraðilar Eldvarnaátaksins eru Húsnæðis- og mannvirkjastofnun, 112, Eignarhaldsfélagið Brunabótafélag Íslands, Slökkvilið höfuðborgarsvæðisins, Ólafur Gíslason og önnur slökkvilið í landinu.

Kvennaár 2025 boðar til kosningafundar um kröfur Kvennaársins með forystufólki stjórnmálaflokka þann 19. nóvember kl. 12:00-13:30 í Iðnó.

Þrátt fyrir þrotlausa baráttu kvenna í meira en heila öld búa konur á Íslandi enn við misrétti og ofbeldi og Ísland á langt í land þar til fullu jafnrétti er náð. Framkvæmdastjórn Kvennaárs 2025 hefur lagt fram kröfur um lagabreytingar og aðgerðir í þremur flokkum um launajafnrétti, ólaunaða vinnu og kynbundið ofbeldi sem finna má á vefsvæðinu kvennaar.is.

Aðstandendur Kvennaárs 2025 eru á fjórða tug samtaka femínista, kvenna, launafólks, fatlaðs fólks og hinsegin fólks.

Facebook viðburður:https://fb.me/e/9vWm6nPOU

Fundastjórar:
Kristín Ástgeirsdóttir, fv. alþingiskona
Ragnheiður Davíðsdóttir, varaformaður Kvenréttindafélags Íslands

Í pallborði verða:
Þórhildur Sunna Ævarsdóttir, Pírötum
Sanna Magdalena Mörtudóttir, Sósíalistum
Svandís Svavarsdóttir, VG
Arnar Þór Jónsson, Lýðræðisflokknum
Þorbjörg Sigríður Gunnlaugsdóttir, Viðreisn
Þórunn Sveinbjarnardóttir, Samfylkingu
Hildur Sverrisdóttir, Sjálfstæðisflokki

Kosningafundur Kvennaárs 2025 - 19. nóvember kl. kl. 12:00-13:30 í Iðnó

ASÍ og BSRB taka á móti formönnum flokka í framboði til alþingiskosninga.

Fundurinn verður á Hótel Hilton Reykjavík Nordica, mánudaginn 18. nóvember, 17:00-19:00.

Yfirskrift fundarins er Samfélag á krossgötum, en þar sitja formenn allra flokka í framboði á landsvísu fyrir svörum um stefnu í málum sem varða launafólk.

Pallborðinu stýra Finnbjörn A. Hermannsson, forseti ASÍ og Sonja Ýr Þorbergsdóttir, formaður BSRB.

Facebook viðburður: https://fb.me/e/2z8C2cJ3B

Samfélag á krossgötum - Formenn flokka ræða við verkalýðshreyfinguna 18. nóvember kl. 17-19 á Hótel Nordica

Langtímakjarasamningar hafa verið undirritaðir fyrir 80-90% launafólks á vinnumarkaði í þessari samningalotu sem hófst í febrúar á þessu ári. Samningum er lokið fyrir allflest launafólk á almennum markaði. Á opinbera markaðnum er samningum lokið við flest félög innan Alþýðusambands Íslands og BSRB og hluta félagsmanna BHM. Ósamið er við ríflega helming launafólks innan BHM, öll aðildarfélög Kennarasambands Íslands sem og lækna og hjúkrunarfræðinga sem standa utan heildarsamtaka. Áætla má að í heildina sé ósamið við um 40% opinbera markaðarins eða um 24 þúsund manns.

Launaþróun það sem af er samningstímabilinu er því nokkuð ólík eftir mörkuðum. Laun hafa hækkað mest á almennum markaði þar sem samningum nær allra er lokið en minna á opinberum markaði þar sem stórir hópar eru enn með lausa samninga. 

Þetta kemur fram í nýrri skýrslu kjaratölfræðinefndar þar sem fjallað er um þróun efnahagsmála og launa,  vinnumarkaðsmál og kjarasamninga.

Á almennum markaði hækkaði grunntímakaup um 5,2% á tímabilinu frá febrúar til júlí á þessu ári en hækkunin nam um 2,9% hjá Reykjavíkurborg og rúmlega 2% hjá ríki og sveitarfélögum utan Reykjavíkur. Í þeim kjarasamningum sem gerðir hafa verið í þessari samningalotu var farin blönduð leið krónutöluhækkana og prósentuhækkana og eru launahækkanir því hlutfallslega mestar á lægri laun.

Að teknu tilliti til verðlagsþróunar jókst kaupmáttur grunntímakaups, sem best endurspeglar umsamdar launahækkanir, um 1,5% frá febrúar  til júlí á þessu ári. Mest var aukningin á almennum vinnumarkaði þar sem samningum allflestra var lokið en kaupmáttur rýrnaði hins vegar eða stóð í stað á opinberum vinnumarkaði þar sem enn er ósamið við stóra hópa. 

Áhersla á krónutöluhækkanir í kjarasamningum á undanförnum árum, sem hafa skilað hlutfallslega mestri hækkun lægstu launa, hefur leitt til þess að munur á hæstu og lægstu launum á vinnumarkaðnum hefur dregist saman og tíundastuðlar lækkað markvert.

Í skýrslu kjaratölfræðinefndar er einnig að finna umfjöllun um efnahags- og vinnumarkaðsmál. Þar er meðal annars fjallað um þróun verðlags, vaxta, opinberra fjármála, framleiðni, atvinnuleysis og stöðu innflytjenda á íslenskum vinnumarkaði. 

Kaupmáttur launa jókst um 0,5% á fyrri helmingi þessa árs samanborið við sama tímabil í fyrra en vegna hárra vaxta og verðbólgu dróst kaupmáttur ráðstöfunartekna lítillega saman. Eiginfjárstaða heimila hefur batnað á síðustu árum og skuldastaða er almennt góð í sögulegu tilliti en vaxtagjöld sem hlutfall af ráðstöfunartekjum hafa farið vaxandi einkum hjá yngra fólki. Dregið hefur úr spennu á vinnumarkaði og starfandi fólki fjölgar nú hægar en undanfarin misseri en atvinnuleysi er áfram lágt og atvinnuþátttaka mikil.

Innflytjendum á íslenskum vinnumarkaði hefur fjölgað hratt síðustu ár og þátttaka þeirra á vinnumarkaði er ein sú mesta meðal OECD ríkja. Lítill munur er á hlutfalli starfandi innflytjenda og þeirra sem eru með íslenskan bakgrunn. Í samanburði við önnur lönd eru innflytjendur á Íslandi vel menntaðir og algengara að þeir sinni starfi sem er ekki í samræmi við menntunarstig þeirra en fólk með íslenskan bakgrunn. Kunnátta innflytjenda á tungumáli búseturíkis er þó lítil hér á landi í samanburði við önnur OECD ríki.

Haustskýrslu KTN og fylgigögn má finna á vef kjaratölfræðinefndar ktn.is

Haustskýrsla kjaratölfræðinefndar 2024

Hérna kemur yfirlit um námskeið fyrir trúnaðarmenn og aðra áhugasama í fjarnámi, sem eru opin öllum aðildarfélögum.

Fjarnámskeið fyrir trúnaðarmenn
- Allt sem þú þarft að vita um réttindi og skyldur!

Við bjóðum upp á fjölbreytt fjarnámskeið í nóvember og desember fyrir trúnaðarmenn allra félaga - og aðra sem gætu nýtt sér efni þeirra. Námskeiðin veita gagnlega innsýn og þekkingu sem nýtist í starfi og daglegu lífi trúnaðarmanna og starfsmanna stéttarfélaga. 

Skráðu þig og styrktu þína þekkingu og færni!

Námskeiðin eru í fjarkennslu og þátttakendur fá sendan Zoom-hlekk daginn áður en námskeið hefst. 

Leyfi og styrkir
Trúnaðarmenn þurfa vilyrði frá sínu stéttarfélagi til að sækja námskeiðið eigi það að greiða. Aðrir þátttakendur geta sótt um styrk hjá sínu stéttarfélagi.

Skráningarfrestur er til hádegis daginn fyrir hvert námskeið. Tryggðu þér sæti og efldu þekkingu þína til að styðja betur við réttindi og starfsumhverfi félagsmanna!

📅 13. nóvember – Túlkun talna og hagfræði
Námskeið sem kynnir grundvallaratriði hagfræðinnar, m.a. samband launa og verðbólgu, áhrif á kaupmátt og hlutverk hagfræðinnar í kjarasamningum. 
Skráning hér 
  

📅 19. nóvember – Vinnueftirlit og vinnuvernd
Farið er yfir lög um aðbúnað og öryggi á vinnustöðum, skyldur atvinnurekenda og hlutverk öryggistrúnaðarmanna. 
Skráning hér
 

 📅 26. nóvember – Vinnuréttur
Yfirlit yfir réttindi launafólks, byggingu vinnuréttarins og stuðning hans við kjarasamninga á íslenskum vinnumarkaði. 
Skráning hér 
  

📅 27. nóvember – Hvíldartímaákvæði vinnuréttar
Lögfræðingur frá ASÍ fer yfir EES-vinnutímatilskipunina og hvíldartímaákvæði kjarasamninga og laga, með áherslu á hvíld og frítökurétt. 
Skráning hér
 

📅 3. desember – Þjóðfélagið og vinnumarkaðurinn
Námskeið sem fjallar um uppbyggingu vinnumarkaðarins, starfsemi stéttarfélaga og heildarsamtaka og mismunandi sjónarhorn lýðræðis. 
Skráning hér

📅 10. desember – Almannatryggingar og lífeyrissjóðir
Innsýn í íslenska almannatryggingakerfið og lífeyrissjóðakerfið, skylduaðild, tryggingavernd og samspil við almannatryggingar. 
Skráning hér


Félagsmálaskóli alþýðu
Guðrúnartúni 1
105 Reykjavík
Sími: 53 55 600
Netfang: felagsmalaskoli@felagsmalaskoli.is


Smella hér til að skrá netfangið þitt af póstlistanum    Smella hér til að uppfæra póstlistaskráningu 

Trúnaðarmannafræðsla í fjarnámi - næstu námskeið

Kjararáð og stjórn LSS ákvað í gær að vísa kjaraviðræðum sínum við Samband íslenskra sveitarfélaga til ríkissáttasemjara en lítill gangur hefur verið í viðræðunum undanfarið. Samningur LSS við sambandið hefur verið laus síðan 1. apríl en fundir hafa staðið yfir með hléum síðan í lok árs 2023. Við væntum þess að sáttasemjari boði til fundar á næstunni og vonandi kemst einhver skriður á viðræðurnar.

Kjaraviðræðum við Samband íslenskara sveitarfélaga vísað til ríkissáttasemjara

Föstudaginn 25. október var kynnt niðurstaða kosningar um kjarasamning sem samninganefnd LSS undirritaði við ríkið en niðurstaðan var á þá leið að 42.31% sögðu já, 55.77% sögðu nei og 1,92% sátu hjá. Fram undan er því vinna við að greina hvaða þættir varðandi undirritaðan kjarasamning valda óánægju þeirra sem höfnuðu samningnum. LSS boða því til fundar fimmtudaginn 31. október kl. 20:00 með félagsmönnum þar sem þeim gefst kostur á að koma sínum skoðunum á framfæri en fundurinn verður haldinn á Selfossi auk aðgangs í gegnum teams. Það er mikilvægt fyrir okkur sem sitjum í samninganefndinni að hafa skýra mynd á því hvað þarf að bæta en ef félagsmenn treysta sér ekki til að nefna sína skoðun á opnum fundi er um að gera að koma henni til trúnaðarmanna sem geta þá lagt hana fram á fundunum. Einnig má hafa samband við okkur sem sitjum í samninganefndinni ef þið viljið eiga samtal um kjarasamninginn.

https://teams.microsoft.com/l/meetup-join/19%3ameeting_NTZkNDQwY2MtMjI5ZC00NjY1LWEzNDktMDQ3OTIzOGI0OTQ2%40thread.v2/0?context=%7b%22Tid%22%3a%22103dd0ac-6309-45dd-92b7-50172b74dd71%22%2c%22Oid%22%3a%22b79a2a61-72b9-4799-be3f-f4a05b104ea7%22%7d

Sigurjón Bergsson, varaformaður LSS, HSU

Birna Dröfn  Birgisdóttir, HVE Ólafsvík

Fundur vegna niðurstöðu kosninga um kjarasamning LSS og SNR

Kosning um kjarasamning Landssamband slökkviliðs- og sjúkraflutningamanna (LSS) og Ríkissjóðs

Á kjörskrá voru 110

Þar af tóku 52 þátt eða samtals 47,3% þátttaka

Niðurstöður:

Já = 22 eða samtals 42,31%
Nei = 29 eða samtals 55,77%
Tek ekki afstöðu = 1 eða samtals 1,92%




Niðurstaða kosninga um kjarasamning LSS og SNR

Þann 24. október næstkomandi standa 34 samtök femínista, kvenna, launafólks, fatlaðs fólks og hinsegin fólks fyrir viðburði í Bíó Paradís kl. 18:30, þar sem framkvæmdastjórn Kvennaárs 2025 kynnir sameiginlegar kröfur gagnvart stjórnvöldum, nákvæmlega einu ári eftir Kvennaverkfall og stærsta baráttufund Íslandssögunnar.

Facebook viðburður: https://fb.me/e/494CdiDZz 

Að viðburði loknu, verður „Dagurinn sem Ísland stöðvaðist,” spennandi heimildamynd eftir Pamelu Hogan og Hrafnhildi Gunnarsdóttur um Kvennafrídaginn 1975 frumsýnd. Að henni lokinni ætlum við að styrkja böndin yfir léttum veitingum og samsöng á Áfram stelpur!

Hin magnaða kvennasamstaða þvert á pólitískar línur árið 1975 lagði hornsteininn að stórkostlegustum þjóðfélagsbreytingum. En þrátt fyrir þrotlausa baráttu í hálfa öld búa konur enn við misrétti og ofbeldi. Við ætlum ekki að bíða í 50 ár til viðbótar!

Nú tökum við höndum saman enn á ný og fylkjumst bak við kröfurnar. Við vitum sem er að sameiginlegur kraftur okkar er óstöðvandi. Sagan sýnir okkur það. Við getum, þorum og viljum!

Við hvetjum öll til að fjölmenna á viðburðinn og kaupa miða á frumsýninguna sem hefst kl.19:15 hér: https://bioparadis.is/mynd/438_the-day-iceland-stood-still/

Myndin er aðallega á ensku en með íslenskum texta og Bíó Paradís er aðgengilegt fyrir öll.

The Day Iceland Stood Still - Dagurinn sem Ísland stöðvaðist fer síðan í almennar sýningar í Bíó Paradís – miða og frekari upplýsingar má nálgast á vef Bíó Paradís.

Viðburður á Kvennafrídaginn 24. október

LSS hvetur félagsmenn sem starfa hjá ríkinu að kynna sér kjarasamninginn taka þátt í atkvæðagreiðslu. 

Þegar aðilar kjósa munu þeir fá rafrænan kjörseðil en einnig hafa aðgang að undirrituðum samning og kynningarefni.

Rafræn kosning um kjarasamning LSS og SNR.

Fyrri kynning vegna undirritaðs kjarasamnings við ríkið vegna félagsmanna LSS sem starfa hjá heilbrigðisstofnunum fer fram í kvöld kl. 20 í gegnum teams og seinni fundurinn verður mánudaginn 21. október kl. 17.

Teams tengill fyrir fund 17. október kl. 20

https://teams.microsoft.com/l/meetup-join/19:meeting_YmQ4NmM4MzMtOGZkZi00NGFhLTg2MTctZDgwZjY3NmRhYWEy@thread.v2/0?context=%7B%22Tid%22:%22988f9547-e799-4d93-a29f-2377f392c9c2%22,%22Oid%22:%228c423d86-47dd-423c-ada9-c9871207eb55%22%7D

Teams tengill fyrir fund 21. október kl. 17

https://teams.microsoft.com/l/meetup-join/19:meeting_Y2M2MGNjMzQtMTNlOC00NGJiLTg2N2QtNzY0OGM1NWNlN2U5@thread.v2/0?context=%7B%22Tid%22:%22103dd0ac-6309-45dd-92b7-50172b74dd71%22,%22Oid%22:%22b79a2a61-72b9-4799-be3f-f4a05b104ea7%22%7D

Kynning á kjarasamning LSS við ríkið 


Sveitarfélag ársins - boðskort á rafrænan viðburð.

Veitt er viðurkenning fyrir bestu heildarniðurstöðu þátta sem stuðla að blómlegu og heilbrigðu starfsumhverfi starfsfólks sveitarfélaga.

Sveitarfélag ársins er samstarfsverkefni tíu stéttarfélaga bæjarstarfsmanna innan BSRB

Í gær skrifaði LSS undir kjarasamning við fjármála og efnahagsráðuneyti fyrir félagsmenn okkar sem starfa í sjúkraflutningum hjá heilbrigðisstofnum.

Undirritaðir voru tveir samningar, annar vegna þeirra sem eru í starfshlutfalli og annar vegna þeirra sem sinna aðeins bakvöktum

Á næstu dögum verða kynningarefni undirbúið og haldnir verða kynningafundir fyrir félagsmenn.

Hér kemur linkur til að skrá sig á málþingið 13.september hjá Eldvarnabandalaginu.

https://landsbjorg.formstack.com/forms/malthingeldvarnab2024

Einnig er hægt að fara frá viðburði og skrá sig 

https://www.facebook.com/events/1358012078490487?active_tab=about

http://eldvarnabandalagid.is/2024/08/27/eldvarnir-geta-ollu-breytt/

Linkur til að skrá sig á málþing Eldvarnabandalagsins 13.sept.

Eldvarnabandalagið stendur fyrir málþingi í Reykjavík föstudaginn 13. september 2024 kl. 13 – 16.00.

Í Veröld – húsi Vigdísar, (VHV- 023 fyrirlestrarsal á jarðhæð).

Málþingið er opið öllum áhugasömum.  Mörg áhugaverð erindi um eldvarnir og verkefni Eldvarnabandalagsins verða haldin á fundinum en dagskrá  er sem hér segir:

                     Anna Sigurðardóttir, formaður stjórnar Eldvarnabandalagsins.

13.15            Umfang brunatjóna, fjölgun milli ára.

                     Grétar Þór Þorsteinsson, sérfræðingur, brunavarnasvið HMS

13.30            Búseta í atvinnuhúsnæði.

                     Aldís Rún Lárusdóttir, sviðsstjóri, Slökkvilið höfuðborgarsvæðisins

13.50            Bruni í rafhlöðum.

                     Lárus Kristinn Guðmundsson, Varaslökkviliðsstjóri hjá Brunavörnum Árnessýslu.

14.30            Logaleyfi, hvað er það?

14.50            Ferðavagnar – og gróðureldar

                     Heiðar Örn Jónsson, slökkviliðsstjóri í Borgarbyggð

15.10            Brunavarnir og starfsfólk hjá Garra

                     Styrmir Þór Davíðsson, Öryggisstjóri Garra

Hér er viðburðurinn á fésbókinni og einnig hlekkur á heimasíðu Eldvarnabandalagsins.

http://eldvarnabandalagid.is/2024/08/27/eldvarnir-geta-ollu-breytt/


Málþing Eldvarnabandalagsins 13.september 2024

Stjórn BSRB ákvað í gær að standa að mótmælum eftir helgi ásamt ASÍ og KÍ vegna skeytingarleysis stjórnvalda gagnvart hárri verðbólgu og vöxtum. Mótmælin fara fram nk. þriðjudag, 10. september, kl. 16:00 á Austurvelli en þennan dag kemur Alþingi saman á ný.

LSS hvetur sína félagsmenn til að taka þátt.

https://www.bsrb.is/is/frettir/frettasafn/motmaelum-a-austurvelli-10-september

BSRB, ASÍ og KÍ boða til mótmæla nk. þriðjudag kl. 16

Eins og flestum er ljóst er LSS enn með lausa samninga við ríkið og samband sveitarfélaga en kjaraviðræður eru komnar aftur af stað eftir sumarleyfi. Við höfum átt fundi með báðum samningsaðilum og verið er að vinna með þau mál sem við höfum verið að leggja hvað mesta áherslu á. Viðræður um samning stjórnenda er ekki farinn af stað en þær viðræður fara af stað um leið og við erum komin lengra með almenna samninginn. Viðræður munu halda áfram á næstu dögum og vikum og vonandi sjáum við til lands í okkar viðræðum fljótlega en það er enn þó nokkuð af málum sem þurfa frekari umfjöllun og samtal.

Margir hafa velt fyrir sér af hverju við séum ekki komin lengra í viðræðum þar sem samningar runnu út 31. mars. Á því er einföld skýring, samningsaðili okkar vildi fá tækifæri til að semja við stærri félögin fyrst og varð LSS við þeirri beiðni enda teljum við það til hagsbóta fyrir okkur.

Einnig hafa komið til okkar fyrirspurnir varðandi gildissvið nýs samning, en það er alveg morgun ljóst að krafa LSS verður alltaf að nýr samningur sé afturvirkur til 1. apríl eins og reyndar hefur verið venja.

Námskeið fyrir matsmenn – 1. og 2. október 2024 

Lögmannafélag Íslands og dómstólasýslan standa fyrir námskeiði fyrir dómkvadda matsmenn. Farið verður yfir hlutverk matsmanna og starf þeirra frá dómkvaðningu og þar til þeir skila matsgerð og/eða mæta fyrir dóm. Þá verður farið yfir ákvæði einkamálalaga sem varða störf matsmanna og samningu matsgerða, undirbúning matsfunda, uppsetningu matsgerða og störf á vettvangi. Í lok síðari námskeiðsdags verður haldið í Héraðsdóm Reykjavíkur þar sem héraðsdómari mun upplýsa nánar um samskipti dómkvaddra matsmanna við dómstólana og svara spurningum.  

Námskeiðið er ætlað öllum þeim sem hafa verið matsmenn eða vilja gefa kost á sér sem matsmenn fyrir dómi á sínu sérsviði, s.s. iðnaðarmönnum, tæknifræðingum, verkfræðingum, læknum, lögfræðingum,  sálfræðingum, viðskiptafræðingum og endurskoðendum.   

Með námskeiðinu fylgja ítarlegar leiðbeiningar fyrir dómkvadda matsmenn sem jafnframt hafa að geyma áhugaverða dóma sem snúa að störfum matsmanna.   

Kennari              Viðar Lúðvíksson lögmaður hjá Landslögum. 

Staður                 Fundarsalur í Safnaðarheimil Neskirkju við Hagatorg, 107 Reykjavík. Einnig er hægt að vera í fjarfundi.

Tími                       Alls 6 klst. Þriðjudagur 1. okt. kl. 13.00-16.00 og miðvikudagur 2. okt. kl. 13.00-15.30. Tímasetning heimsóknar í Héraðsdóm Reykjavíkur verður auglýst síðar.    

Verð                   kr. 55.000,-   

Matsmannanámskeið 1. og 2. október 2024

Skráning er hafin á námskeiðið Streita, seigla, samskipti og meðvirkni sem verður haldið á Hótel Grímsborgum dagana 24.- 27. september 2024. 

Námskeiðin eru vinsæl og þetta er mkilvægt efni sem á erindi dag, í umhverfi sem tekur sífellt hraðari breytingum. 

Áhersla er lögð á seiglu og streitu, svefn og líkamsklukkuna, álag og ósjálfráða taugakerfið, tengsl, meðvirkni - einkenni og áhrif á sambönd og samskipti. Athyglinni er beint að nýrri þekkingu, leiðum og úrræðum, áhrifum streitu og meðvirkni á líðan og heilsu og saamskipti í lífi og starfi. Námskeiðið er í formi fyrirlestra, æfinga, hópavinnu, hugleiðslu, djúpslökunar, hvíldar og viðveru í náttúrunni.

Hægt er að sækja um styrk í starfsmenntasjóð.

Innifalið: Námskeið, matur og gisting í 3 nætur í  2ja manna herbergi í nærandi og fallegu umhverfi. 

Nánari upplýsingar og skráning: heillheimur@heillheimur.is

Rafræn skráning: https://forms.gle/kUyTEQ5mp1HSyVzz6

Viðburðurinn á Facebook: https://www.facebook.com/events/839718898272504/?acontext=%7B%22event_action_history%22%3A[]%7D

Dagskráin hefst kl. 11.00 þriðjudaginn 24. september og lýkur kl. 14.00 föstudaginn 27. september. Námskeiðið er í formi fyrirlestra, æﬁnga og hópavinnu. Boðið er upp á gómsætan mat, gönguferðir út í náttúruna, núvitundaræﬁngar, djúpslökun og góða hvíld.

Kristín Sigurðardóttir, slysa- og bráðalæknir hefur sinnt kennslu, heilsueflingu og forvörnum frá því í Læknadeild HÍ. Kristín kennir við Læknadeild HÍ og er í Fræðslustofnun LÍ. Hún sinnir fyrirlestrahaldi og fræðslu fyrir fyrirtæki og stofnanir.

Gyða Dröfn Tryggvadóttir, lýðheilsufræðingur EMPH og meðferðaraðili í áfalla-og uppeldisfræðum Piu Mellody. Gyða rekur eigin stofu og sinnir auk þess fyrirlestrahaldi og fræðslu. Hún stendur einnig fyrir heilsustengdum málþingum og námskeiðum. Hún hefur iðkað og kennt Zen hugleiðslu í 23 ár.

Hafsteinn Viktorsson, rannsóknarlögregla og jógakennari mun leiða djúpslökun. Hafsteinn þekkir vel í gegnum sitt starf sem viðbragðsaðili áhrif álags á líf, líðan og samskipti og leiðir til að mæta því. Yoga Nidra er ævaforn djúphugleiðsla sem hefur margvísleg heilsubætandi áhrif.

Eldvarnavika í grunnskólum 20.-29. nóvember 2024

Lestu líka